Lauluja

Lauluja #

Laulujen syntetisoimiseen on käytetty Melody Assistant -ohjelmaa. Tarkoitus on, että äänitiedoston avulla on helpompi sovittaa sanat oikeisiin kohtiin melodiassa.

jIyInbej (Still Alive) #

Kääntänyt Iikka Hauhio

yay 'oH Dochvam
naDev jIghItlhtaH: "Qapla' Dun"
Qatlh ngoDvam lachmeH Qu':
jIyonqu' jIH

'apercho QeDDaq
mavangnIS maH, mavanglaHmo'
QaQchoHmeH Hoch nuv yIn
Heghpu'be'chugh

'ach Hoch QaghvaD maSaQnISbe'ba' maH
Dorbejpu'pa' chab ghIghlIj neH DaturtaH
'ej taHjaj QeD poH, HIch Daj DachenmoH
DaH wej Heghpu'bogh nuvpu'vaD 'oH

jIQeHbe'ba'
DaH jI'Ilqu' jIH
tIq Daghor 'ej choHoH
'e' vISaHbe'

'ej 'ay'meywIj DawItlh
'ej qulDaq Hoch 'ay' DawoD
meQtaHvIS  mu'aw' ghu'vam
SoHvaD jIQuchqu'mo'

DaH yamtaw 'IH lurur De'meyvam'e'
wa' 'oH nIqHom mI', 'ej mapaSchoHbe'
jImeQmo' jIQuchchoH, Hoch wIghojpu'bogh yInoH
DaH wej Heghpu'bogh nuvpu'vaD 'oH

yIruch 'ej cholon
qoDvo' jImejbe' 'e' vImaSlaw'taH
chaq rut latlh ghot Datu'laH
DuQaHmeH

chaq HuD qIj...
DaH jIqIDtaH, HaHa, DuHbe'
'ach Hoch ghu'Daq, Dunqu' chab
'eyqu'bej 'oH 'ej yIQ

qatlh jIjatlh, Doch law' vIHaDnISchoH
DaH qaleghtaHvIS, jIQuchchoH, qarurbe'mo'
muloSbogh ngongmey vItagh, QeDmo' vay'pu' vIwaH
DaH wej Heghpu'bogh nuvpu''e' chaH

'ej choHarjaj, DaH jIyInbej
QeDmo' jIHaDtaH 'ej DaH jIyInbej
jIpIvchu'qu' 'ej DaH jIyInbej
bIHeghlI'vIS, ngugh jIyInbej
'ej rut bIHeghpu', 'ach jIyInbej

jIyInbej, jIyInbej

peghoS lengbogh yab (Come Wayward Souls) #

Kääntänyt Iikka Hauhio

peghoS lengbogh yab
HurghghachDaq SuyIttaH
He chIlpu'bogh chaH'e', wovwI' tu'lu'
ngeD 'IQlaHghach 'ej HajlaHghaj lIjmeH Qu'
jeghlu'chugh 'ej yavDaq cheghlu'chugh

yItInchoH raS'IS mach, SormeyDaq DarItlu'
yIjenchoH, chal tebjaj pormeylIj
QIt ram rewve' tebtaHjaj SuSlIj wab
ghIv'a'Du'lIj yIpep 'ej qul yInaD

ghaH'e' vItlhejtaHvIS jItaHbe'... (Balladi kaiken turhuudesta) #

Kääntänyt Iikka Hauhio

ghaH'e' vItlhejtaHvIS jItaHbe'
Hochlogh mutIchta' rIntaH 'e' vIlIjlaHbe'
maDo'chugh ghaH vIHeghmoH 'e' vInIDba'
'ej DaHjaj choS be'nalwI' tlhIn vIleghqa'
'ach ghorgh jIHeghpu',  'e' SovlaH 'Iv, qItba' Hoch DuHmey
ghIq ramtaHbej Hochna'
muvaq 'e' vIqaw'be'; parmaqqaywI' neH vIvup, 'ubchoHbej

be'nal'e' Dunbej vIghaj, vIparHa'qu'taH
'ach bIttaHba' ghaH
vIparHa'qa'taHmeH jIcheghbe' 'e' Haj
mobchoH 'e' Haj

vogh ghu'vam paQtaH SuvwI' latlh:
< SuvwI''e' ghaH po' law' Hoch po' puS!
jISuvvIptaH 'ach Qu'vam vIjunbe'ba'
'ej jIHeghchugh, nuchHey vImojbe'ta'
quvwIjvaD jIHeghpu', batlh vIpolmeH jIHay'chu'
'ej jIHeghba'lI'vIS jIQoghogh >

be'nal'e' Dunbej vIghaj, vIparHa'qu'taH
'ach bIttaHba' ghaH
vIparHa'qa'taHmeH jIcheghbe' 'e' Haj
mobchoH 'e' Haj

HuDmey 'emDaq Doq chal'e', DuvlI'vIS 'Iw rur
nIteb loDmey Qup nguHtaHvIS, Qu'Daj qey lutur
SIjlI' betleHmey jejHa' 'ej DuQchuqpu' chaH
lommeyDaj jeqtaH wa' Doch neH, 'ej maqtaH:
lo'laHbe' Hoch ta', ramchoHbej rIntaH
naDevvo' 'oH tlhappu' SuS 'ej tugh HurghchoHbogh tlhomDaq qengchoHtaH
DaH wej tamchoHchu'pu' bomDaj Do'Ha' net QoylaH:

< be'nal'e' Dunbej vIghaj, vIparHa'qu'taH
'ach bIttaHba' ghaH
vIparHa'qa'taHmeH jIcheghbe' 'e' Haj
mobchoH 'e' Haj
tIqwI' vIrghlI'DI' taj >

chutmey chu' (New Rules) #

Kääntänyt Kaneli Kalliokoski

chutmey chu' - Du'a' lI'pa

wa', wa', wa', wa'.

ram jIQongtaHvIS, jIjatlh. jImaw'qu''eghmoH.
(jImaw', jImaw'. jImaw', jImaw'.)
vIghItlh 'ej pe'vIl vIlaD. mutoD 'e' vItulqu'.
(qaSqa', qaSqa'. qaSqa', qaSqa'.)
bangwI', jIle' law' Hoch le' puS 'e' muchenmoH. ('e' muchenmoH.)
'ach bangwI, mumuSHa'be'mo' jIHvaD jIja'qa'. (jIja'qa'.)

wa': QumwI' yIjangQo'. chechmo' neH 'ej mobmo' neH DuloS.
cha': juHlIjDaq yIchaw'Qo'. pe'vIl DamejnISqa'moH.
wej: jupDaj yISoHQo'. bIQongvIS Dutlhejbej 'e' DaSov.
'ej Dangaghchugh, vaj ghaHvo' bIHaw'laHbe' SoH.

chutmey chu' vIghaj. vItogh.
chutmey chu' vIghaj. vItogh.
chutmey chu' vIghaj. vItogh.
chutmey chu' vIghaj. vItogh.

wa'leSvaD jIvumlI' 'ach wa'Hu'Daq mungelqa'taH.
(DaH nuq vIwuq, DaH nuq vIwuq.)
DaH tlhopDaq jIbejDI' qaSbogh Doch'e' vIleghchu'.
(not jIghoj jIH, not jIghoj jIH.)

'ach bangwI, mumuSHa'be'mo' jIHvaD jIja'qa'. (jIja'qa'.)
jIHvaD jIja'qa'bej.

wa': QumwI' yIjangQo'. chechmo' neH 'ej mobmo' neH DuloS.
cha': juHlIjDaq yIchaw'Qo'. pe'vIl DamejnISqa'moH.
wej: jupDaj yISoHQo'. bIQongvIS Dutlhejbej 'e' DaSov.
'ej Dangaghchugh, vaj ghaHvo' bIHaw'laHbe' SoH.

chutmey chu' vIghaj. vItogh.
chutmey chu' vIghaj. vItogh.
chutmey chu' vIghaj. vItogh.
chutmey chu' vIghaj. vItogh.

vIqeqchugh vIghojbej.
vIghojchu' 'e' vInIDlI'.
(chutmey chu' vIghaj. vItogh.)
jISop, jIQong, vItlhuH,
bIH vIghaj vIqeqqa'mo'.
(chutmey chu'.)

wa': QumwI' yIjangQo'. chechmo' neH 'ej mobmo' neH DuloS.
cha': juHlIjDaq yIchaw'Qo'. pe'vIl DamejnISqa'moH.
wej: jupDaj yISoHQo'. bIQongvIS Dutlhejbej 'e' DaSov.
'ej Dangaghchugh, vaj ghaHvo' bIHaw'laHbe' SoH.

chutmey chu' vIghaj. vItogh.
chutmey chu' vIghaj. vItogh.
jIHvaD bIH vIja'nIS.
chutmey chu' vIghaj. vItogh.
(bangwI', bIH vItoghba'.)
jIHvaD bIH vIja'nIS.

juHlIjDaq yIchaw'Qo'. yIchawQo'.
jupDaj yISoHQo'. jupDaj yISoHQo'.
juHlIjDaq yIchaw'Qo'. yIchawQo'.
jupDaj yISoHQo'. jupDaj yISoHQo'.

bItaHbej 'e' HIvoq.